Gönguferð 1

Stutt ganga (2 – 2 1/2 klst)
Gengið inn með einstaklega fallegum og fjölbreyttum farvegi Tungufljóts. Þar má m.a. finna Grísfossinn og Golufossinn sem steypast ofan í gljúfur og svo er gljúfrið sjálft mikil móbergs náttúrusmíð. Rúsínan í pylsuendanum er svo Hrossafossinn með sínum sérstæða skessukatli. 
​Verð: 3000 kr. pr. fullorðinn, frítt fyrir 15 ára og yngri í fylgd með fullorðnum. 
​

Gönguferð 2

Hálfs dags ganga (4-5 klst)
Gengið lengra inn með Tungufljótinu, 
Sýrdalsfossinn og fossinn í Fossá skoðaðir, en hægt er að fara á bak við þá báða.
Þaðan er svo gengið fram úr fallegu dalverpi, Sýrdal og heim aftur. Ákaflega falleg leið og fyrir áhugasama má finna sögur við hvert fótmál.
Verð: 5000 kr. pr. fullorðinn, frítt fyrir 15 ára og yngri í fylgd með fullorðnum. ​

Fararstjórn

Fararstjóri í gönguferðunum er Heiða Guðný, sauðfjárbóndi á Ljótarstöðum. Heiðu er ástin á landinu sínu í blóð borin og hefur átt heima á Ljótarstöðum allt sitt líf. Inn í leiðsögnina um þetta fallega svæði fléttast því frásagnir af svæðinu, búskapnum og lífinu í sveitinni, allt eftir áhugasviði þátttakenda. 

Hvenær og fyrir hverjA?

Gönguleiðirnar eru tiltölulega auðveldar yfirferðar og lítil hækkun. Ferðirnar eru því við flestra hæfi. 
Gönguferðirnar eru einungis í boði yfir sumartímann og fram eftir hausti, 18.júní - 15.október, en tekið er við pöntunum árið um kring.